22-09-2023 天晴

又幾日冇寫BLOG... 因為呢幾日都好唔開心... 醫生又加左我藥... 其實係加左劑量... 開始食個時真係唔多舒服... 又頭痛又心跳加速個人仲好攰咁... 唔知關唔關加藥事啦... 希望食多幾日會好少少啦... 不過前日20-09-2023 天晴, 呢日佢竟然見到我會笑(其實係佢同佢細佬推嘢行過我窗口前面佢哋可能唔知傾咩所以笑得咁開心... 不過好奇怪... 佢之前咁多個月都係就算同人傾計打機幾開心都好但係一見到我就唔會笑即刻黑面架啦！點解呢次佢又會笑既呢？仲要係我一路望住佢行過嚟佢都冇黑面仲一路笑架喎... 好多年未試過啦... 以前就係咁很喜歡會對住我就笑既佢... 一開始就係咁喜歡佢對住我笑... 喜歡佢好可愛咁笑... 喜歡佢咩嘢都會教我... 雖然我仲大佢一年... 但係我好似細過佢咁一路祟拜佢... 初初一齊咩嘢都冇諗就只係喜歡佢... 之後其實都係一樣就咁單純喜歡佢... 冇諗過真係要變正... 冇諗過同佢一齊要得到D咩... 只係我經常過份緊張又成日呷醋... 之後成日嘈交... 就係咁佢唔再鐘意我啦... 而且我又咁驚狗... 所以佢先會討厭我係唔係呢？... 總之前日就算幾好彩啦... 可以行過見到佢好多次又可以睇到佢向住我行過嚟都係一直笑... 雖然唔知佢係傾計笑定係笑緊我... 不過都算啦... 咁我真係輸左...佢笑我都正常既... 今日就冇見到佢笑又好似有D避開我咁... 唉... 都唔知係唔係報應... 我跟佢... 而家又多左個人跟我... 真係好煩啊... 俾個我唔識佢又唔鐘意佢既人係咁跟又係咁望... 最慘我返夜做緊嘢好忙佢同成班男人坐係門口傾計就係咁望實我！真係想轉身同想攞嘢出去都唔得！我之前已經發現呢條友成日係公司跟住我... 去廁所出嚟又見到佢...加水又見... 飲茶前後都見！就連食飯前洗手佢都要企係門口望！食完返去拍卡又見！收工前洗手又見！執完袋上去等拍卡收工又見！真係擺明日日係度擦存在感！已經避到我都唔知點避好... 唔通每次出房入房都要搵人陪咩！唉！真係激死我啦！只係想我愛既人望住我... 唔係想引埋成斑狗公望住晒囉！好討厭呢班狗公啊！