17-09-2023 天晴氣朗

今日係星期日假期... 天文台明明話呢幾日星期56日都會天陰落雨... 點知今日竟然咁好太陽... 但我都係好唔開心... 唔知今日咁好太陽佢教完琴之後會陪人哋去邊度食飯行街去玩呢？... 我知我而家冇資格去呷呢D醋架啦... 但係我都仲係會好呷醋囉... 晏晝例牌俾父母捉去陪佢哋飲荼...飲完又係攞衫去洗... 之後又係無聊睇手機... 夜晚幫佢哋買飯...我自己就食唔落嘢又係STARBUCKS 飲杯咖啡打呢篇文...咁樣又一日啦...咁既生活當然唔可以同佢同人哋去比較啦... 諗左好多好多日...佢同人哋一齊既情緒價值一定係比同我一齊個時候高... 同埋佢應該係覺得人哋既身份地位同我唔同所以我跟佢咁多年嚟佢都唔肯陪我去旅行睇戲...等等... 我同佢咁多年就連佢身邊最CLOSE既朋友佢都唔會介紹俾我識... 當我想介紹我既親人朋友比佢識既時候佢都唔會想識... 其實咁多年嚟所有嘢都應該係佢既計算之內吧...... 佢應該可能計過人哋俾到佢既係咩嘢... 人哋既家庭背景亦都係比我好... 性格佢話過人哋好好.... 而且人哋又同佢一樣鍾意狗... 我就唔係唔鍾意不過就好驚狗囉... 我估佢當時追我可能唯一佢計過我比人哋好既只係外表﹑身材 (雖然我冇佢咁大胸但我瘦佢好多啊！)﹑同最重要我同佢一齊之前仲未拍過拖仲係處... 又係同一間公司做嘢... 個人又單純又天真又無腦又無後台... 又方便又就手又易呃又易氹又易得手掛........總之佢就係計過度過先會掉底我唔理啦！而家仲為左佢個人設係度扮好男人！我就變左個無腦白痴又痴線又變態既跟蹤狂啊嘛！但有咩人知道其實我心一D都唔好受啊！我唔係跟蹤佢去傷害佢啊... 我係想搵佢傾和解做返朋友咋嘛！我係想知道點解佢要咁對我啊！我只係想知道所有真相問清楚所有佢一路以嚟咁多年呃過我既嘢啊！然後就大家和解留返個聯絡電話號碼...... 就算以後都唔打電話....都可以默默係佢背後支持佢守護佢愛佢... 用另一種方式去愛佢去希望佢好好.....大家繼續做返好朋友就咁簡單...... 佢識我咁多年唔通就連我係唔係真係壞人佢都唔知咩...... 個心真係超痛........ 咩都食唔落..... 好傷心呢...